Հայ բժիշկերի կյանքից
ԵՊԲՀ-ն` երկրորդ ընտանիք. ի հիշատակ պրոֆեսոր Նելլի Խոստիկյանի
![ԵՊԲՀ-ն` երկրորդ ընտանիք. ի հիշատակ պրոֆեսոր Նելլի Խոստիկյանի ԵՊԲՀ-ն` երկրորդ ընտանիք. ի հիշատակ պրոֆեսոր Նելլի Խոստիկյանի](up/article/big/file_58641_7035699.jpg)
Բժշկական 100-ամյա դարբնոցում հիշում են բոլոր այն մարդկանց, պրոֆեսորադասախոսական կազմի ներկայացուցիչներին, աշխատակիցներին, որոնք տարբեր տարիների կտրվածքով կարևոր ներդրում են ունեցել բժշկագիտության զարգացման, սերունդների կրթման, կրթության համակարգի կայացման գործում:
Պրոֆեսոր Նելլի Խոստիկյանը՝ ԵՊԲՀ ախտաբանական անատոմիայի և կլինիկական մորֆոլոգիայի ամբիոնի վարիչը, կյանքից հեռացավ նախորդ տարվա աշնանը՝ անավարտ թողնելով կարևոր այն առաքելությունը, որն արդեն վեց տասնամյակ կատարում էր բարձր արհեստավարժությամբ և նվիրվածությամբ:
Պրոֆեսոր Արտաշես Բեգլարյանի անվան ԵՊԲՀ ախտաբանական անատոմիայի և կլինիկական մորֆոլոգիայի ամբիոնում Նելլի Խոստիկյանն աշխատում էր 1965 թվականից, իսկ 2006 թվականից մինչև կյանքի վերջ ղեկավարում էր այն:
Իր ղեկավարած ամբիոնում իր հետ կապված հիշողությունները բազմաթիվ են ու շատ ջերմ: Աշխատակիցների խոսքով՝ յուրաքանչյուրի՝ որպես մասնագետ կայացման գործում նա իր ներդրումն ունի. ծնողի նման հոգատար էր, նրբանկատ և ուշադիր, ամեն մեկի հետ յուրովի վերաբերմունք ու մոտեցում ուներ:
Կրտսեր գործընկերների գնահատմամբ՝ լինելով բարձրակարգ մասնագետ, հանրապետության գլխավոր ախտաբան՝ միաժամանակ, շատ համեստ էր ու զուսպ, չէր սիրում իր մասին խոսել, կիսվում էր իր փորձով ու գիտելիքներով: Լի էր նոր մտահղացումներով, կարդում և հետաքրքրվում էր գիտական նորություններով:
Գերպարտաճանաչ ու պատասխանատու անձնավորություն էր, նույնը իր շրջապատից էր պահանջում: Գրի էր առնում բոլոր անելիքներն ու տրվող հանձնարարականները, իսկ օրվա կամ երբեմն շաբաթվա վերջում, երբ պլանները կատարված էին, ուրախությամբ և գոհունակությամբ ջնջում էր ու նոր պլաններ կազմում՝ սկզբում մտքում, հետո արդեն գրի առնում:
Ամբիոնականները նկատում են, որ շատ հյուրասեր էր և անչափ սիրում էր ծաղիկներ, որոնցով ողողված էր իր աշխատասենյակը:
Նելլի Խոստիկյանն ինտերնատուրան ավարտելուց հետո որոշ ժամանակ մանկաբույժ է աշխատել, ապա ընդունվել կլինիկական օրդինատուրա՝ հիստոքիմիայի գծով: ԱՄՆ կենսագրական ինստիտուտի կողմից ճանաչվել է «Տարվա կին» և «Տարվա կին մասնագետ» (2001): Պարգևատրվել է ԵՊԲՀ, ԱՄՆ նոր հազարամյակի պատվո ոսկե մեդալներով: Երկար տարիներ զբաղեցրել է ՀՀ ԱՆ գլխավոր պաթանատոմի պաշտոնը: Առողջապահության համակարգում երկարատև, անբասիր աշխատանքի, բժշկագիտության զարգացման և կադրերի պատրաստման գործում ներդրած գնահատելի ավանդի համար, մասնագիտական բարձր պատրաստվածության և պատասխանատվության համար ՀՀ ԱՆ գլխավոր պաթանատոմ Նելլի Խոստիկյանը ՀՀ առողջապահության նախարարության կողմից 2015 և 2017թթ. պարգևատրվել է պատվոգրերով:
Պրոֆեսորը հեղինակ է մի շարք ուսումնամեթոդական ձեռնարկների: 2016 թվականի վերջին լույս է տեսել նրա «Կլինիկական մորֆոլոգիա» դասագիրքը, որով սովորում են ապագա բժիշկները 6-րդ կուրսում: Նախքան այս հայալեզու աշխատության հրատարակումը «Կլինիկական մորֆոլոգիա» դասընթացը միայն ռուսերենով էր իրականացվում:
Ախտաբանական անատոմիայի և կլինիկական մորֆոլոգիայի ամբիոնը վերջին տարիներին համալրվել էր երիտասարդ կադրերով: Նելլի Խոստիկյանը ղեկավարում էր նաև «Հայ ախտաբան-անատոմների և ախտահյուսվածքաբանների ասոցիացիա» հասարակական կազմակերպությունը, որի կորիզն ամբիոնի պրոֆեսորադասախոսական կազմն է։
«Բժշկի ուղին» շարքի անվանի մասնագետին նվիրված թողարկման ընթացքում նա ընդգծել էր, որ ԵՊԲՀ-ն իր երկրորդ ընտանիքն էր։ Նելլի Խոստիկյանի անունը սերտորեն կապված է մեր երկրում պաթանատոմիական ծառայության կայացման և զարգացման հետ: Բժիշկ-գիտնականը գրեթե վեց տասնամյակ առողջապահական համակարգում էր:
Այսօր բժիշկ-գիտնականի ծննդյան օրն է, կդառնար 81 տարեկան:
![](images/calendar.png)
Կարդացեք նաև
![ԵՊԲՀ. 10 հայ գիտնականների հայտնի գյուտերը ԵՊԲՀ. 10 հայ գիտնականների հայտնի գյուտերը](up/article/small/file_62551_9731349.jpg)
Հարգելի ընթերցողներ, շարունակում ենք ձեր ուշադրությանը ներկայացնել պատմության մեջ կարևոր դերակատարում ունեցած բժիշկների մասին հետաքրքիր փաստեր և դեպքեր...
![](images/calendar.png)
![ԵՊԲՀ. Հուշեր բժշկական մեկդարյա բուհի հասակակից Իդա Մովսեսյանի մասին ԵՊԲՀ. Հուշեր բժշկական մեկդարյա բուհի հասակակից Իդա Մովսեսյանի մասին](up/article/small/file_62143_2534369.jpg)
Բժշկական համալսարանում 100-ամյա պատմությունը ձևավորել են մարդիկ, ովքեր իրենց կարևոր հետքն են թողել բուհի կյանքում, և տասնամյակներ անց էլ նրանց հիշում են, մեծարում: Սա ԵՊԲՀ-ի ամենակարևոր ավանդույթներից մեկն է...
![](images/calendar.png)
![ԵՊԲՀ. Մարդկանց սրտերը վիրահատելով. բժշկագիտության նվիրյալ Ալեքսանդր Միքայելյանի հիշատակին ԵՊԲՀ. Մարդկանց սրտերը վիրահատելով. բժշկագիտության նվիրյալ Ալեքսանդր Միքայելյանի հիշատակին](up/article/small/file_61379_9112626.jpg)
Սրտաբան-վիրաբույժ, բժշկական գիտությունների դոկտոր, պրոֆեսոր, ՀԽՍՀ ԳԱ թղթակից անդամ Ալեքսանդր Միքայելյանի կատարած աշխատանքի շնորհիվ Հայաստանում տասնամյակներ առաջ հիմնադրվեց բժշկական...
![](images/calendar.png)
![Պետրոս Թովմասի Թաշճյան. ծննդյան 155-ամյակը Պետրոս Թովմասի Թաշճյան. ծննդյան 155-ամյակը](up/article/small/file_61260_9979485.jpg)
Բժիշկ, կուսակցական, ազգային գործիչ: Ծնվել է 1867 թ. նոյեմբերի 21-ին, Արևմտյան Հայաստանի Դիարբեքիր (Տիգրանակերտ) քաղաքում...
![](images/calendar.png)
![Հրաչյա Խաչատուրի Բունիաթյան. ծննդյան 115 ամյակին Հրաչյա Խաչատուրի Բունիաթյան. ծննդյան 115 ամյակին](up/article/small/file_61216_4608683.jpg)
Կենսաքիմիկոս, կենսաբանական գիտությունների դոկտոր, պրոֆեսոր, ՀԽՍՀ ԳԱ ակադեմիկոս, ՀԽՍՀ գիտության վաստակավոր գործիչ, Բիոքիմիկոսների և նեյրոքիմիկոսների հայկական դպրոցի հիմնադիր...
![](images/calendar.png)
![ԵՊԲՀ. Անվանի բժիշկ-գիտնական Ռաֆայել Ստամբոլցյանն այսօր կդառնար 100 տարեկան ԵՊԲՀ. Անվանի բժիշկ-գիտնական Ռաֆայել Ստամբոլցյանն այսօր կդառնար 100 տարեկան](up/article/small/file_61214_1333580.jpg)
Լրացավ անվանի սրտաբան, ՀՀ ԳԱԱ ակադեմիկոս, պետական մրցանակի դափնեկիր, գիտության վաստակավոր գործիչ, բժշկական գիտությունների դոկտոր, պրոֆեսոր Ռաֆայել Պարույրի Ստամբոլցյանի 100-ամյակը (1922-2012թթ.)...
![](images/calendar.png)
![Բարսեղյան Մինաս Մանուկ (Բազիլ Խան). ծննդյան 165 ամյակը Բարսեղյան Մինաս Մանուկ (Բազիլ Խան). ծննդյան 165 ամյակը](up/article/small/file_61151_3530674.jpg)
Բժիշկ, գիտնական, պրոֆեսոր, բանասեր, թարգմանիչ, խան
Ծնվել է 1857 թ. հուլիսի 14-ին, Պարսկաստանի Նոր Ջուղա (Իսպահան) քաղաքում...
![](images/calendar.png)
![Ջեյմս Ֆիլիպի Բաղյան. ծննդյան 70 ամյակը Ջեյմս Ֆիլիպի Բաղյան. ծննդյան 70 ամյակը](up/article/small/file_61103_1348808.jpg)
Բժիշկ, ինժեներ, մարզիկ, բժշկագիտության դոկտոր, պրոֆեսոր, տիեզերագնաց, ԱՄՆ ՌՕՈՒ գնդապետ, պետական և վարչական գործիչ, տիեզերքում եղած առաջին հայը...
![](images/calendar.png)
![Անդրեյ Արկադիի Բաղդասարով (Բաղդասարյան) Անդրեյ Արկադիի Բաղդասարով (Բաղդասարյան)](up/article/small/file_61070_778596.jpg)
ԽՍՀՄ Բժշկական գիտությունների ակադեմիայի իսկական անդամ, բժշկական գիտությունների դոկտոր, պրոֆեսոր, ԽՍՀՄ առողջապահության նախարարության գլխավոր արյունաբան, Ստալինյան մրցանակի կրկնակի դափնեկիր...
![](images/calendar.png)
![Ստեփան Եղիայի Արսլանյան. ծննդյան 200-ամյակը Ստեփան Եղիայի Արսլանյան. ծննդյան 200-ամյակը](up/article/small/file_60979_1046664.jpg)
Բժշկապետ, փաշա, ուսուցչապետ, զորավար, բանասեր, հասարակական-կրթական գործիչ, Ազգային ժողովի բազմիցս ատենապետ
Ծնվել է 1822 թ. դեկտեմբերի 25-ին, Կոստանդնուպոլսի Պեյօղլու թաղամասում, Եղիյա և Վարդենի Արսլանյանների...
![](images/calendar.png)
![Ծննդյան 145 ամյակը. Աստվածատուրով Միխաիլ Իվանի Ծննդյան 145 ամյակը. Աստվածատուրով Միխաիլ Իվանի](up/article/small/file_60869_5137849.png)
Նյարդաբույժ, փսիխոթերապևտ, բժշկական գիտությունների դոկտոր, պրոֆեսոր, ՌՍՖՍՀ գիտության վաստակավոր գործիչ...
![](images/calendar.png)
![Ծննդյան 125 ամյակը ԱՍԼԱՆ ԱՆՆԱ ՄԸՐԳԸՐՏԻ Ծննդյան 125 ամյակը ԱՍԼԱՆ ԱՆՆԱ ՄԸՐԳԸՐՏԻ](up/article/small/file_60866_4031440.png)
Իսկական անունը՝ Ասլանյան Աննա Մկրտչի: Բժիշկ-ծերունաբան, ակադեմիկոս, Ռումինիայի գիտության վաստակավոր գործիչ:
Ծնվել է 1897 թ. հունվարի 1-ին, Ռումինիայի Բրըիլա քաղաքում...
![](images/calendar.png)
![Ալթունյան Ասատուր–Արամ Թադեվոսի. Ծննդյան 165 ամյակի առթիվ Ալթունյան Ասատուր–Արամ Թադեվոսի. Ծննդյան 165 ամյակի առթիվ](up/article/small/file_60656_7787127.jpg)
Բժիշկ, առողջապահության կազմակերպիչ, հասարակական և ազգային գործիչ
Ծնվել է 1857 թ. մարտի 21 թ., Սեբաստիայում...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
Warning: mysqli::query(): (HY000/1): Can't create/write to file '/var/tmp/MYdBSlCU' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381
Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384